اسلام آباد (آن لائن) امریکی سفارتخانے نے اعلیٰ عدلیہ کے فیصلے پر سب سے پہلے عمل درآمد کرکے اردو ویب سائٹ جاری کردی ہے۔ میڈیا رپورٹس کے مطابق سپریم کورٹ کے فیصلے پر عملدرآمد کرتے ہوئے سب سے پہلے امریکی سفارتخانے نے عمل کرڈالا۔ امریکی سفارتخانے کی ویب سائٹ کو اردو زبان میں بنا کر باضابطہ طور پر جاری کردی گئی واضح رہے کہ سپریم کورٹ نے اپنے فیصلے میں کہ تھا کہ اردو ہمارے ملک کی قومی زبان ہے تمام معاملات انگلش کی بجائے اردو میں منتقل کردیئے جائیں۔ اس وقت تک ملک کے کسی بھی ادارے اور زبان کو اپنانے کیلئے کوئی واضح حکمت عملی نہیں اپنائی تاہم امریکی سفارتخانے نے سب سے پہلے اقدام کرکے سپریم کورٹ کے فیصلے کی تعمیل کردی ہے ۔