اسلام آباد (آن لائن)الیکشن کمیشن نے حلقہ این اے 144اوکاڑہ سے ایم این اے عارف چوہدری کی قومی اسمبلی کی رکنیت منسوخ کردی ،الیکشن ٹریبونل نے عارف چوہدری کی ڈگری جعلی ثابت ہونے پرفیصلہ سنایاتھا۔تفصیلات کے مطابق الیکشن کمیشن نے حلقہ این اے 144اوکاڑہ سے منتخب ہونے والے ن لیگ کے رکن قومی اسمبلی عارف چوہدری کی قومی اسمبلی کی رکنیت منسوخ کردی ہے ۔عارف چوہدری پرجعلی ڈگری ثابت ہونے پرالیکشن ٹریبونل نے ان کی رکنیت منسوخ کی تھی ، منگل کے روزالیکشن کمیشن نے باضابطہ طورپرعارف چوہدری کی رکنیت منسوخ کردی ہے ۔واضح رہے کہ عارف چوہدری ن لیگ کے ٹکٹ پرمنتخب ہوئے تھے انہوںنے ایک لاکھ 33ہزار82ووٹ لئے تھے۔آزادامیدوارفیاض احمدخان غوری نے ان کے خلاف جعلی ڈگری کے ثبوت الیکشن ٹریبونل میں پیش کئے تھے جسے بعدازاں الیکشن ٹریبونل نے ثابت ہونے پرفیصلہ سنادیا۔