کراچی (نیوزڈیسک) کراچی کے علاقے نارتھ ناظم آباد میں پیپلز پارٹی کے رہنما ڈاکٹر عاصم حسین کے ضیا الدین اسپتال میں رینجرز نے ایک پھر چھاپہ مارا۔چھاپے کے دوران اسپتال کے ریکارڈ کی جانچ پڑتال کی گئی۔ رینجرز کی جانب سے نارتھ ناظم آباد میں ضیا الدین اسپتال پر ایک بار پھر چھاپہ مارا گیا۔ رینجرز حکام اسپتال کے اندر داخل ہوئے اور اسپتال کے داخلی وخارجی راستے بند کردیے۔ ذرائع کا کہنا ہے کہ اسپتال میں کارروائی ڈاکٹر یوسف ستار کی نشاندہی پر مخصوص شعبے میں کی گئی جبکہ بلنگ ڈپارٹمنٹ اور آئی ٹی ڈپارٹمنٹ کے ڈیٹا کو بھی جمع کیا گیا۔ذرائع کا کہنا ہے کہ دوران کارروائی کمپیوٹر سے ڈیٹا تحویل میں لے لیا گیا۔ڈاکٹر یوسف ستار کو 4روز قبل ضیاالدین اسپتال سے حراست میں لیاگیا تھا۔