بنوں(نیوز ڈیسک)جنوبی وزیرستان میں آپریشن راہ نجات کے متاثرین کی واپسی کا بارہواں مرحلہ مرحلہ آج سے شروع ہورہا ہے۔ان متاثرین نے اکتوبر 2009 ء میں پاک فوج کی جانب سے دہشت گردوں کے خلاف آپریشن راہ نجات شروع ہونے کی وجہ سے نقل مکانی کی تھی اور ٹانک ،ڈیرہ اسمعیل خان اور ملک کے دیگر حصوں میں پناہ لے لی تھی۔جنوبی وزیرستان سے تقریبا چار لاکھ سے زائد لوگوں نے نقل مکانی کی تھی۔ جن میں سے اب تک 16 ہزار سات سوسے زائد خاندان اپنے گھروں جاچکے ہیں۔ جن کو کرایہ کے لئے 10 ہزار روپے ،اشیاء خورد نوش اور دیگر سامان دیا جارہا ہے۔جبکہ اے ٹی ایم کے ذریعے 25 ہزار روپے بھی دئے جارہے ہیں۔