اسلام آباد( مانیٹرنگ ڈیسک) وزیر داخلہ پنجاب شجاع خانزادہ پرخودکش حملے کے بعد پولیس اور خفیہ اداروں کی کالعدم تنظیموں کیخلاف مشترکہ کاروائی، وہاڑی سے 84 مشتبہ افراد کو گرفتار کر لیا گیا ہے ، نجی ٹی وی کے مطابق گرفتار ہونے والے میں سے  15افراد براہ راست دہشت گردوں کیلئے سہولت کار کے طور پر بھی ملوث پائے گئے ہیں ، چند روز قبل وزیر اعلیٰ پنجاب شہباز شریف کی زیر صدارت اعلیٰ سطح کے اجلاس میں دہشت گردی میں ملوث کالعدم تنظیموں کیخلاف آپریشن فوری طور پر شروع کرنے کا فیصلہ کیا گیا تھا ، ضلعی اور صوبائی سطح پر موجود انٹیلی جنس ایجنسیز اور پولیس مشترکہ طور پر کریک ڈاﺅن میں دہشت گردوں کو گرفتار کرکے ان سے پوچھ گوچھ کریں گی ، خیال رہے کہ خفیہ ذرائع کی طرف سے گذشتہ ہفتے اٹک میں وزیر داخلہ پنجاب شجاع خانزادہ پر ہونے والے خود کش حملے کو کالعدم لشکر جھنگوی کے سربراہ ملک اسحاق کی پولیس مقابلے میں ہلاکت کا ردعمل قرار دیا جارہا ہے ، پنجاب میں دہشت گردوں کیخلاف کاروائی کو موثر بنانے کیلئے ٹھوس اقدامات اٹھانے کا فیصلہ کیا گیا ہے ،  اس سلسلے میں مدارس سمیت یونیورسٹیز  تک سرچ آپریشن  کا دائرہ کار بڑھائےجانے کا امکان ہے ، دوسری طرف تازہ ترین خبر کے مطابق لاہور میں کاﺅنٹر ٹیررازم فورس نے کریک ڈاﺅن میں 3دہشت گردوں کو گرفتار کرلیا ہے جو مبینہ طور پر دہشت گردی کی ممکنہ واردات کی تیاریوں میں مصروف تھے