لندن (نیوزڈیسک) متحدہ قومی موومنٹ کو یہاں ایک اور درد سر کا سامنا ہے کہ پاکستان تحریک انصاف نے کراچی کی ابتر صورتحال اور لندن سے پیدا کردہ عدم استحکام کو اجاگر کرنے کے لئے کئی اقدامات کا اعلان کیا ہے ، پی ٹی آئی کے مرکزی رہنما اور کراچی کے تاجر فیصل واوڈا نے کہا ہے کہ وہ ایم کیو ایم کی لندن قیادت کے خلاف رواں ماہ کے آخری ہفتہ میں وزیراعظم ڈیوڈ کیمرون کی رہائش گاہ اور ایم کیو ایم انٹرنیشنل سیکرٹریٹ کے سامنے مظاہرے کریں گے، مظاہرین کا تعلق مختلف پاکستانی تنظیموں سے ہو گا، ان کا کہنا تھا کہ کراچی میں پاکستان کو ترقی یافتہ ملک بنانے کی بڑی صلاحیت اور وسائل ہیں اگر ان وسائل کو بندوق کے ذریعہ تاوان کا ذریعہ نہ بنادیاجائے اور وارلارڈز کو سیاستدان نہ سمجھا جائے، انہوں نے الزام لگایا کہ اب یہ کھلی حقیقت ہے کہ الطاف حسین کی جماعت شہر پر اپنا کنٹرول برقرار رکھنے کیلئے تشدد سے گریز نہیں کرتی، یہ ناقابل قبول ہے، تشدد اور سیاست ساتھ ساتھ نہیں چل سکتے، یہ وقت ہے کہ فیصلہ کر لیا جائے کہ بہت ہو چکا، بس اب نہیں، مختلف پاکستانی حکومتیں اور قیادت کراچی کا مسئلہ برطانوی حکومت کے سامنے اٹھانے میں ناکام رہیں اور حساس قومی مسائل پر سیاست کرتی رہیں، ، پی ٹی آئی کے رہنما کا کہنا تھا کہ برطانوی حکومت کو یہ احساس دلانے کے لئے ہر طریقہ اختیار کرنا ہو گا کہ ایک برطانوی شہری دہشت گردی ، منی لانڈرنگ اور پاکستانی مسلح افواج کے خلاف نفرت انگیز تقاریر میں ملوث ہے، ایم کیو ایم کےخلاف مظاہرے پاکستان پیٹریاٹک فرنٹ نامی گروپ کرے گ