اسلام آباد(نیوزڈیسک) ڈنمارک کے پاکستان میں سفیرنے منگل کے روز سفارتخانے کے مسلمان عملے کوسحری دی ۔ڈنمارک کے سفیرکی دی گئی سحری میں سفارتخانے کامسلمان عملہ اورسیکیورٹی گارڈز شامل تھے ۔اس روز بوسنیااورہرزوگونیااورڈنمارک کے سفراءندیم ماراکاواورجیسپرمولرسرورنسن نے سفارتی عملے اورگارڈز کے ساتھ سحری کالطف اٹھایا۔انہوں نے سحری میں عملے کے لئے کچن میں خود سحری تیارکی اورخود ہی اس کوتقسیم کیااورسحری کااختتام بھی سٹاف کے ساتھ کیا۔انہوں نے سحری میں فرائڈرائس ،چکن کری،ٹماٹروں کاسلاد اورفروٹ پیش کیااس کے ساتھ ساتھ پاکستانی روایتی پراٹھے اورپاکستانی چائے بھی پیش کی ۔اس موقع پرسفیر کاکہناتھاکہ مسلمانوں کے اس مقد س ماہ میں اپنے پاکستانی دوستوں کے ساتھ سحری کرکے بہت ہی لطف آیا۔
