کراچی(نیوزڈیسک)پیپلزپارٹی نے اہم فیصلہ کرلیا،عیدکے بعد عمل درآمد کریگی .پاکستان پیپلز پارٹی کی قیادت نے فیصلہ کیا ہے کہ عید الفطر کے بعد پنجاب میں رکنیت سازی مہم کا آغاز کیا جائے گا اور پارٹی کے سیٹ اپ میں تبدیلی سینٹرل ایگزیکٹیو کمیٹی کی مشاورت سے کی جائے گی ،وارڈ سے لیکرصوبائی سطح تک مختلف عہدوں پر تبدیلی مرحلہ وار لائی جائے گی ،بلدیاتی انتخابات کی تیاریوں کے حوالے سے عوامی رابطہ مہم کا آغاز آئندہ ماہ سے کیا جائے گااور ورکرزکنوینشن وعوامی اجتماعات منعقد کیے جائیں گے اور بلدیاتی انتخابات کے موقع پر تمام نشستوں پر پیپلز پارٹی امیدوار کھڑے کیے جائیں گے اور انتخابی اتحاد کا فیصلہ ضلعی قیادت کی مشاورت سے ہر ضلع کی سطح پر کیا جائے گا ،پنجاب میں ناراض رہنمائوں اور کارکنان سے رابطے کیے جائیں گے ،تمام امور کی نگرانی بلاول بھٹو زرادری کریں گے ،اس بات کے فیصلے بلاول ہائوس میں پیپلز پارٹی پنجاب کے رہنمائوں کے اجلاس میں کیے گئے ،اجلاس کی صدارت پی پی پی کے چیئرمین بلاول بھٹوزرداری نے کی ،اجلاس میں راجہ پرویز اشرف، منظور وٹو ، سابق گورنر پنجاب مخدوم احمد محمود، سینیٹر شیری رحمان، قمر زماں کائزہ ، تنویر اشرف کائرہ ، ندیم افضل چن اور شوکت بسرا شریک ہوئے ، اجلاس میں ملک کی مجموعی صورتحال اور خصوصاً پنجاب کی سیاسی اور تنظیمی صورتحال پرغور کیا گیا ، اجلاس میں پنجاب میں بلدیاتی انتخابات کے حوالے سے بھی غور کیاگیا،اجلاس میں پنجاب میں بعض رہنمائوں کے چھوڑنے کے بعد صورتحال کا جائزہ لیا گیا ،پارٹی چیئرمین نے پنجاب قیادت کوہدایت کی کہ وہ اس حوالے تفصیلی رپورٹ آئندہ اجلاس میں پیش کریں ،ذرائع کا کہنا ہے کہ پارٹی کے چیئرمین کے دورہ پنجاب کاشیڈول طے کرلیا گیا ہے اور رواں ماہ سے بلاول بھٹوزرداری پنجاب کا تفصیلی دورہ کریںگے۔بلاول بھٹوزرداری نے تمام رہنمائوں کو ہدایت کی وہ کارکنان وعوام سے رابطے میں رہیں ۔