لاڑکانہ ( نیوز ڈیسک ) لاڑکانہ میں تعلیمی بورڈ کے زیر اہتمام انٹر میڈیٹ کے سالانہ امتحانات جاری ہیں ، بدھ کے روز بارہویں جماعت کے اردو اور سندھی کے مضمون کا امتحان منعقد ہوا جس میں حسب معمول نقل کا سلسلہ جاری رہا۔ امتحانی مراکز کے اندر امیدواران کھلے عام موبائل فون اور ساتھ لائی جانے والی گائیڈوں کی مدد سے نقل کرتے رہے جب کہ انتظامیہ خاموش تماشائی کا کردار ادا کرتی رہی ، حل شدہ پیپر فوٹو سٹیٹ کی دکانوں سے 100 روپوں میں حاصل کرنے کے بعد امیدواران کے رشتے دار بذریعہ چپڑاسیوں اور پولیس اہلکاروں کے امتحانی مراکزوں کے اندر پہنچاتے رہے جب کہ تعلیمی بورڈ کی جانب بنائی جانے والی ویجیلنس ٹیمیں مکمل طور پر مراکزوں سے غائب رہیں۔ لاڑکانہ انٹرمیڈیٹ بورڈ کے تحت جیکب ا باد میں بھی بارہویں جماعت کا اردو اور سندھی پرچہ وقت سے پہلے آؤٹ ہو گیا ، امتحانی مراکزوں میں بوٹی مافیا کا راج ہے ، بچوں کو نقل کرانے کے لیے رشتیدار ، انتظامیہ اور پولیس سبھی مددگار بنے ہوئے ہیں ، گھوٹکی میں بھی انٹرمیڈیٹ کے امتحان میں سندھی اور اردو کا پرچہ وقت سے پہلے ہی ا ؤٹ ہو گیا ، نقل مافیا سرگرم ، انتظامیہ خود نقل کرانے میں مصروف ہے۔ انتظامیہ کی بے بسی جوں کی توں برقرار ہے۔ سکھر بورڈ کے زیر اہتمام جاری گیارہویں جماعت کا سندھی اور اردو کا پرچہ وقت سے پہلے ہی لیک ہو گیا ہے اور نقل کا سلسلہ کھلے عام جاری ہونے سمیت حل شدہ پرچہ اور پرچے کی فوٹو سٹیٹ کاپی بھی دستیاب ہے۔ تاہم اتنظامیہ نقل روکنے کے بجائے خود نقل کرانے میں مصروف ہے اور نقل سلسلہ جاری ہے جبکہ تمام امتحانی مراکز میرپور ماتھیلو ، ڈہرکی ، اوباوڑو میں پرچہ ا ؤٹ ہوچکا ہے۔