اسلام آباد(نیوز ڈیسک) امام کعبہ شیخ خالد الغامدی قومی اسمبلی کی کاروائی دیکھنے کیلئے پارلیمنٹ پہنچ گئے جہاں سپیکر اور ڈپٹی سپیکر نے ان کا استقبال کیا ۔امام کعبہ نے سپیکر قومی اسمبلی ایاز صادق سے اسپیکر چیمبر میں ملاقات بھی کی جہاں ان میں پاکستان اور سعودی عرب کے درمیان تعلقات اور امت مسلمہ کے امور پر تبادلہ خیال کیاگیا۔پارلیمنٹ پہنچنے پر اراکین پارلیمنٹ نے بھی امام کعبہ کو خوش آمدید کہا اورپاکستان آمد پر ان کا شکریہ ادا کیا۔پارلیمنٹ آمد کے موقع پر امام کعبہ شیخ خالد الغامدی نے نماز مغرب کی امامت بھی کروائی اور اراکین کی جانب سے ان کے پیچھے نماز ادا کی گئی ہے