اسلام آباد (نیوز ڈیسک) پاکستان تحریک انصاف کے وائس چیئرمین شاہ محمود قریشی نے کہا ہے کہ پی ٹی آئی چاہتی ہے کہ صاف اور شفاف انتخابات ہونے چاہئیں‘ پی ٹی آئی ووٹ کے تقدس کے لئے جنگ لڑ رہی ہے‘ انتخابات میں ایک جماعت ہارتی ہے اور ایک جیتتی ہے یہ سیاسی عمل ہے۔ جمعرات کے روز پارلیمنٹ ہاﺅس کے باہر میڈیا سے گفتگو کرتے ہوئے انہوں نے کہا کہ کراچی کے حلقہ این اے 246 ایم کیو ایم کے لئے اسی طرح اہمیت کا حامل ہے جس طرح پی پی پی کے لئے لاڑکانہ ہے۔ انہوں نے کہا کہ ہم کراچی کی عوام کو پیغام دینا چاہتے ہیں کہ وہاں پر اب ایم کیو ایم کے علاوہ کوئی دوسری جماعت ہے تو وہ پی ٹی آئی ہے اور اس سے پہلے کراچی کے لوگوں کے لئے انتخابات میں کوئی دوسری چوائس نہیں تھی لیکن اب پی ٹی آئی کی شکل میں سیاسی جماعت اور قیادت کراچی کے لوگوں کے لئے میسر ہو گئی ہے۔ انہوں نے کہا کہ رینجرز کراچی کے ضمنی انتخابات میں سیکیورٹی کی خدمات سرانجام دے رہی ہے اور ہم اس سے مطمئن ہیں اگر کسی کو شکایت ہے تو وہ الیکشن کمیشن سے رجوع کرے۔ انہوں نے کہا کہ کراچی کے عوام ایم کیو ایم کی سیاست سے مطمئن نہیں ہیں۔ سعودی عرب اور یمن کے حوالے سے انہوں نے کہا کہ سعودی عرب ہمارا دیرینہ دوست اور ساتھی ہے۔ شاہ محمود قریشی نے میڈیا سے گفتگو کرتے ہوئے یہ سوال اٹھایا کہ حکومت کے مشیر خارجہ سرتاج عزیز وزیراعظم کے ہمراہ سعودی نہ ساتھ گئے ہیں اور نہ ہی اس سے پہلے ہونے والی مشاورت میں شامل تھے‘ اس کی کیا وجہ ہے سیکیورٹی اور خارجہ کے مشیر اس سارے معاملے میں شامل نہیں ہیں؟ انہوں نے کہا کہ سعودی عرب اور یمن کے معاملے میں بڑی اہم تبدیلیاں آ رہی ہیں اور حال ہی میں سعودی عرب نے یہ کہا ہے کہ وہ اب یمن کے معاملے میں سیاسی اور سفارتکاری کے عمل کو اہمیت دے رہا ہے ۔
پی ٹی آئی ووٹ کے تقدس کےلئے جنگ لڑ رہی ہے،شاہ محمود قریشی
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
حکومت نے پیٹرول اور ڈیزل کی نئی قیمتوں کا اعلان کردیا
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم



















































