اسلام آباد(نیوزڈیسک)پاکستان ملک میں چین کے تعاون سے شروع کیے جانے والے منصوبوں اور چینی کارکنوں کی حفاظت کے لیے ایک خصوصی سکیورٹی ڈویڑن قائم کر رہا ہے۔فوج کے ترجمان میجر جنرل عاصم سلیم باجوہ نے ٹوئٹر پر بتایا کہ اس میں فوج کی نو بٹالین اور سول آرمڈ فورسز کے چھ ونگ شامل ہوں گے اور اس ڈویڑن کی سربراہی ایک میجر جنرل کریں گے۔سکیورٹی ذرائع کے مطابق یہ تعداد تقریباً نو ہزار سے زائد بنتی ہے اور اس میں فوج کے کمانڈوز بھی شامل ہوں گے۔چین کے صدر شی جنپنگ رواں ہفتے دو روزہ دورے پر اسلام آباد آئے تھے اور اس دوران دونوں ملکوں کے درمیان 46 ارب ڈالر کے مختلف منصوبوں پر معاہدوں اور مفاہمت کی یاداشتوں پر دستخط کیے گئے۔چین پاکستان کا دیرینہ دوست ہے اور یہاں توانائی اور بنیادی ڈھانچے سمیت مختلف شعبوں میں تعاون فراہم کرتا آرہا ہے۔ماضی میں ایسے متعدد واقعات رونما ہو چکے ہیں جن میں ان منصوبوں پر کام کرنے والے چینی ماہرین اور کارکنوں پر حملے ہوچکے ہیں۔وزیرمملکت برائے امور داخلہ بلیغ الرحمن نے غیرملکی میڈیا سے گفتگو میں خصوصی سکیورٹی ڈویڑن کی تشکیل کے بارے میں بتایا کہ یہ اقدام مشترکہ منصوبوں اور ان پر کام کرنے والوں کے تحفظ کے لیے حفظ ماتقدم کے طور پر کیا جارہا ہے۔یہ اربوں ڈالر کا منصوبہ ہے، اس میں کوئی بھی قوت، کوئی تنظیم یا کوئی فرد اگر یہ سوچ رکھے کہ اسے پٹڑی سے اتارا جائے تو اس سے بچنے کے لیے ہم نے یہ اہتمام کیا ہے۔”چین کے تعاون سے دونوں ملکوں کے درمیان اقتصادی راہدری کا منصوبہ ایسے بہت سے علاقوں سے ہو کر گزر رہا ہے جو شورش اور عسکریت پسندی کا شکار چلے آرہے ہیں۔پاکستانی عہدیداروں کا کہنا ہے کہ ان علاقوں میں اقتصادی ترقی سے روزگار کے مواقع پیدا ہوں گے جس سے انتہا پسندی کو روکنے میں بھی مدد ملے گی۔
پاکستان میں چینی منصوبوں کے لیے خصوصی سکیورٹی ڈویڑن کی تشکیل
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
حکومت نے پیٹرول اور ڈیزل کی نئی قیمتوں کا اعلان کردیا
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم



















































