کراچی(نیوزڈیسک) پاکستان پیپلز پارٹی کے رہنما ذوالفقار مرزا نے سابق صدر آصف علی زرداری پر ماڈل ایان علی کے ذریعے منی لانڈرنگ کروانے کا الزام عائد کرتے ہوئے ان کے خلاف مشترکہ تفتیشی ٹیم(جے آئی ٹی)بنانے کا مطالبہ کیا ہے۔نجی ٹی وی چینل کے پروگرا م میں گفتگو کرتے ہوئے سابق وزیر داخلہ سندھ ڈاکٹر ذوالفقار مرزا نے کہا کہ بیرونِ ملک جانے والی رقم آصف زرداری کی تھی اور ایان علی کو وی آئی پی پروٹوکول کے ساتھ بلاول ہاو ¿س لایا اور لے جایا جاتا تھا۔انہوں نے کہا کہ اگر وہ گرفتار نہ ہوتیں تو فریال تالپور اور ہماری بھابھی ہوتیں۔انہوںنے کہا کہ آصف زرداری کے خلاف کرپشن کی تفتیش کرنا مشکل کام نہیں، لیکن وزیراعظم کے بیان کے باوجود بھی نیب کرپٹ لوگوں کے خلاف ایکشن نہیں لے رہا۔آصف علی زرداری اور بلاول بھٹو زرداری کے درمیان اختلافات سے متعلق پوچھے گئے ایک سوال کے جواب میں انہوں نے کہا کہ کچھ عرصہ قبل ٹی وی پر آکر زرداری نے اپنے بیٹے کے لیے جو الفاظ استعمال کیے ، ان کو سن کر کوئی بھی اس بات سے انکار نہیں کرے گا کہ دونوں کے درمیان اختلافات ہیں۔انہوں نے کہا کہ پیپلزپارٹی اب نام کی پارٹی رہ گئی ہے ،آصف زرداری کی مفاہمت ان کی اپنی جیب تک محدودہے ،جواپنے بہن بھائیوں کوراضی نہیں کرسکتاملک کیلئے کیاکرسکتاہے۔ انہوںنے کہا کہ پیپلزپارٹی میں ایم کیوایم کے حواریوں کوجگہ مل رہی ہے۔انہوںنے کہاکہ لندن میں بلاول بھٹوسے کوئی ملاقات نہیں ہوئی ،آصف علی زرداری سے اختلاف ہے لیکن بلاول بھٹوکواپنے والدسے مزیددورنہیں کرواناچاہتا۔انہوں نے کہاکہ کراچی میں فوج جوکررہی ہے وہی بلاول کی سوچ ہے ،عزیزبلوچ نے آصف زرداری ،شرجیل میمن یاذوالفقارمرزاکے کہنے پرجوکچھ کیاہے اورجرم کیاہے تواسے سزاملنی چاہئے۔انہوںنے کہاکہ رحمن ملک کے ذریعے آصف علی زرداری نے بہت پیسہ کمایااس کاسینیٹربننازرداری کاکمرشل فائدہ ہے۔ایک سوال پرانہوںنے کہاکہ میری بیوی اوربیٹاسندھ اسمبلی میں حقوق کی آوازاٹھائیں گے ،غریب عوام سب سے بڑی طاقت ہیں