اسلام آباد (نیوزڈیسک)وفاقی وزیر اطلاعات و نشریات پرویز رشید نے کہا ہے کہ یمن بحران ہر پاکستان کا موقف واضح ہے کہ سعودی عرب کی سالمیت کو خطرہ ہوا تو اس کی بھرپور مدد کی جائے گی ۔اقتصادی راہداری منصوبے سے پورے خطے کو فائدہ ہو گا ۔جس سفر کا آغاز چین کے ساتھ ملکر کیا ہے اسکی منزل تک ضرور پہنچیں گے۔نیشنل بک ڈے سیمینار سے خطاب کے بعد میڈیا سے بات کرتے ہوئے کہا کہ پسماندگی، غربت، بیروزگاری اور جہالت ختم کرنے کا سفر شروع ہو چکا۔ پاک چین راہداری منصوبہ نہ صرف پاکستان کی تاریخ بدلے گا بلکہ اسکے اٰثرات پورے خطے کی عوام پر مرتب ہوں گے۔ ایک سوا ل کے جواب میں وزیر اطلاعات نے کہا کہ 2015ایک نئی ابتدا کا سال ہے ، چینی صدر کا دورہ نہایت بارآور ثابت ہواہے ۔پاک چائنہ دوستی کی مٹھاس وطن عزیز کے ہرشہری تک پہنچے گی، جس سفر کا آغاز چین کے ساتھ ملکر کیا ہے اسکی منزل تک ضرور پہنچیں گے ہم چینی صدر اور عوام کے شکر گزار ہیں ،انہوں نے حق دوستی ادا کیا ، اقتصادی راہداری منصوبہ صرف پاک چین ہی نہیں پوری دنیا کو مستفید کریگا۔انہوں نے کہا کہ ضیاالحق کے دور میں ہم نے علم کے نام پر جہالت کے سرٹیفکیٹ دئیے،گزشتہ 30سال میں ریاست پاکستان جرم کی مرتکب رہی ،جس کی سزا ہمیں آج مل رہی ہے۔وفاقی وزیر نے کہا کہ علم کے نام پر جہالت پھیلانے سے ملک میں دہشتگردی پیدا ہوئی۔ یمن کا مسئلہ سامنے آنے کے بعد اس کے سفارتی حل کی کوششیں کی جا رہی ہیں۔سعودی عرب کی سالمیت کو خطرہ ہوا تو اس کی بھرپور مدد کی جائے گی