کراچی(نیوز ڈیسک) متحدہ قومی موومنٹ کے قائد الطاف حسین نے کہاہے کہ ضمنی الیکشن میں تحریک انصاف اورجماعت اسلامی کی شکست یقینی ہے لہٰذامیرا انہیں مشورہ ہے کہ وہ اپنی شکست کی شرمندگی سے بچنے کیلئے الیکشن سے دستبردارہوجائیں اور ایک دوسرے کوطعنے تشنیع دینابند کردیں ۔ انہوں نے یہ بات اتوارکی شب جناح گراو ¿نڈعزیزآبادمیںمیوزیکل پروگرام کے شرکاءسے خطاب کرتے ہوئے کہی۔جناح گراو ¿نڈ میں ہزاروںکی تعداد میں نوجوان، بزرگ، خواتین ، بچے اوربچیاں شریک تھیں ۔ جناح گراو ¿نڈمیں پرجوش عوام کے زوردارنعروں کی گونج میں الطاف حسین نے کہاکہ آج ایک تحریک انصاف کے جلسہ میں میرے محبوب کرکٹرعمران بھائی نے میرے خطاب پر تنقیدکرتے ہوئے کہاہے کہ الطاف حسین اپنی تقریرکے دوران کبھی ہنستے ہیں، کبھی روتے ہیں اورکبھی گاناگاتے ہیں ۔ انہوں نے کہاکہ میں اپنے عمران بھائی کوبتاناچاہتاہوں کہ جب بچہ دنیا میں آتاہے تووہ روتے ہوئے آتاہے اورسُروں میں روتا ہے۔اگربچہ روتانہیں ہے توڈاکٹراس کورلانے کیلئے آہستگی سے چماٹ لگا تے ہیں۔ انہوں نے کہاکہ دنیا میں تمام بچے توروتے ہوئے ہی پیداہوتے ہیں ، شائدعمران بھائی اربوں بچوں میں واحدہوں کہ جوہنستے ہوئے پیداہوئے ہوں۔ الطاف حسین نے کہاکہ عمران بھائی کومیرے گاناگانے پر اعتراض ہے حالانکہ سرسنگیت کسے پسندنہیں ، میں جب افسردہ ہوتاہوں تو سنگیت سنتا ہوں ۔ گانا اور رونالازم وملزوم ہے انہوں نے کہا کہ مجھے اچھے سُرپسندہیں،دل بھی ایک ردھم میں دھڑکتا ہے۔انہوںنے اس موقع پر ایک کلاسیکل گیت کاشعربھی پڑھا،پیارنہیں ہے سُر سے جس کو….وہ مورکھ انسان نہیں ہے۔ الطاف حسین نے ایک بارپھر کہاکہ ایم کیوایم کے امیدوارکنورنویداین اے 246سے قومی اسمبلی کے دولہابننے جارہے ہیں اورمیں انہیں پیشگی مبارکبادپیش کرتاہوں۔انہوں نے تحریک انصاف کوان کے جلسہ کی مبارکبادپیش کی اور کہاکہ وہ ایک دوسرے کوطعنے اورتشنیع دینے کاسلسلہ بندکردیں کیونکہ آپ ہمارے کسی سوال کاجواب نہیں دے سکتے ۔انہوںنے کہاکہ ضمنی الیکشن میں تحریک انصاف اورجماعت اسلامی کی شکست یقینی ہے لہٰذامیرا انہیں مشورہ ہے کہ وہ اپنی شکست کی شرمندگی سے بچنے کیلئے الیکشن سے دستبردار ہوجائیں ۔ انہوں نے کہاکہ لوگ ہمیں کالے کلوٹے کہتے ہیں ، ہم کالے کلوٹے ہی سہی لیکن ہم سچی محبت کرنے والے ہیں۔
تحریک انصاف اورجماعت اسلامی شکست کی شرمندگی سے بچنے کیلئے الیکشن سے دستبردارہوجائیں ،الطاف حسین
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
حکومت نے پیٹرول اور ڈیزل کی نئی قیمتوں کا اعلان کردیا
-
پی ایس او نے ایل پی جی کی فی کلو قیمت مقرر کردی
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم



















































