کراچی( نیوز ڈیسک)پاکستان کے معروف تجزیہ کار شاہین صہبائی نے کہاہے کہ منی لانڈرنگ کا جرم ثابت ہونا متحدہ قومی موومنٹ کے لئے بہت بڑا جھٹکا ہوگا۔ ڈان نیوز کے پروگرام خبر سے خبر میں گفتگو کرتے ہوئے سینئر صحافی کا کہنا تھاکہ اگر یہ جرم ثابت ہوگیا تو ایم کیو ایم بکھر جائے گی۔ ان کے بقول منی لانڈرنگ کو برطانیہ میں بڑا جرم سمجھا جاتا ہے اور متحدہ قائد الطاف حسین کو بھی ادراک ہے کہ ان کے گرد گھیرا تنگ ہورہا ہے۔ انہوں نے کہا کہ پاکستان کی حکومت بھی متحدہ کے خلاف یوکے پولیس سے ہر طرح کا تعاون کررہی ہے، ان تمام حالات کو دیکھتے ہوئے ہی الطاف حسین متعدد بار قیادت چھوڑنے کا تذکرہ کرچکے ہیں جب کہ دو روز قبل انہوں نے اپنی جانشینی کیلئے تین ناموں کا بھی اعلان کیا تھا۔