کراچی(نیوز ڈیسک)وفاقی وزیرخزانہ اسحاق ڈار نے کہا ہے کہ مکے دکھانے سے ملکی مسائل حل نہیں ہوتے بلکہ عملی اقدام کرنا پڑتے ہیں، مہنگائی پر کافی حدتک قابو پالیا، کراچی ا پریشن پرسمجھوتہ نہیں ہوگا۔وفاق ایوان ہائے صنعت وتجارت (ایف پی سی سی ا ئی) کے اجلاس سے خطاب میں انھوں نے کہاکہ کراچی ا پریشن کسی خاص سیاسی جماعت یافرقے کے خلاف ہے نہ اس پرکوئی سمجھوتہ نہیں کریں گے۔ مجرموں کے خلاف ہرصورت کارروائی ہوگی۔ ا پریشن ضرب عضب میں فوج نے بے مثال قربانیاں دی ہیں جس پرفوج کوخراج تحسین پیش کرتے ہیں۔ ملک کودہشت گردی کی لعنت سے ہرصورت نجات دلائیں گے۔ اسحاق ڈارنے کہاکہ حکومت کی کامیاب پالیسیوں کی بدولت ا ج حالات بہترہوئے ہیں۔ پٹرولیم مصنوعات کی قیمتوں میں کمی سے عوام کوبراہ راست فائدہ پہنچایا جارہا ہے۔
ا ج ملک کی نصف ا بادی خط غربت سے اوپرزندگی بسر کررہی ہے۔ پاکستان کی خدمت کوذریعہ نجات سمجھتے ہیں۔ انھوں نے سابق صدرمشرف کی طرف اشارہ کرتے ہوئے کہاکہ مکے دکھانے والوں نے دباو کے نتیجے میں گھٹنے ٹیک دیے تھے او رملکی معیشت تباہ ہوگئی تھی۔ حکومت نے ادائیگیوں کانظام بہتر بنایا ہے اورہر 6ماہ بعد ادائیگی کی جارہی ہیں۔ مہنگائی کو سنگل ڈیجٹ میں رکھیں گے۔ چین سے 4ہزار میگاواٹ بجلی حاصل کرنے کے لیے بات چیت جاری ہے۔ 2017کے ا خرتک بجلی کابحران بھی ختم ہوجائے گا۔یکم جولائی2015 سے کمپیوٹرائزڈ شناختی کارڈنمبر ہی این ٹی این تصورکیاجائے گا۔ بجٹ میں 200 سے 225ارب روپے کے اضافی اخراجات کا سامنا ہے۔ سیکیورٹی پر 45ارب روپے خرچ کیے جاچکے ہیں۔ سیکیورٹی اپ گریڈیشن پر مزید 50ارب روپے خرچ کیے جائیں گے۔ بزنس کمیونٹی کی مشاورت سے 10لاکھ سے کم مالیت کے 26ہزار ریفنڈز نمٹادیے گئے اور اب 10 سے 15 اور 15سے 20لاکھ روپے تک کے ریفنڈز کو نمٹایا جائے گا۔ قوم کواگلے 3برس میں ا?ج سے بہت بہتر پاکستان دیں گے۔