کراچی(نیوز ڈیسک)بلدیہ ٹاؤن میں نامعلوم ملزمان گھر میں گھس کر پولیس افسر کو قتل کرکے فرار ہوگئے۔ اطلاعات کے مطابق اے ایس آئی علی محمد رات بھر جرائم پیشہ افراد کے خلاف کارروائیوں کے بعد اپنی ڈیوٹی ختم ہونے پر بلدیہ ٹاؤن میں فٹ بال اسٹیڈیم کے قریب واقع اپنے گھر پہنچا تو نامعلوم افراد نے گھس کر اس پر فائرنگ کردی، جس کے نتیجے میں وہ موقع پر ہی جاں بحق ہوگیا۔ ملزمان فرار ہوتے وقت اپنے ساتھ مقتول کا سرکاری اسلحہ اور دیگر سامان بھی ساتھ لے گئے۔ پولیس نے مقتول کی لاش ضابطے کی کارروائی کے بعد ورثا کے حوالے کردی جب کہ جائے وقوعہ سے گولیوں کے خول سمیت دیگر شواہد اکٹھے کرکے تفتیش شروع کردی گئی ہے۔