اسلام آباد(نیوز ڈیسک ) معروف ماڈل ایان علی کو دبئی ڈالر پہنچانے پر کتنی رقم ملتی تھی اس کی تفصیلات منظر عام پر آگئیں ہیں جس کے مطابق ماڈل ایان علی کو دبئی رقم پہنچانے پر اس رقم کا 4فیصدحصہ دیاجاتاتھا۔یا درہے کہ ماڈل ایان علی کو اسلام آباد ائر پورٹ پر غیر قانونی طور پر 5لاکھ ڈالر لے جاتے ہوئے گرفتار کیا گیاتھاجبکہ اس رقم پر ایان علی کو4فیصد کے لحاظ سے پاکستانی 20لاکھ روپے ملنا تھے ۔ذرائع کاکہنا ہے کہ ایان علی کے پاس وی آئی پی لاؤنج استعمال کرنے کی سہولت موجود تھی جہاں ایان علی سے ان کے سامان کے متعلق اتنی جانچ پڑتال نہیں کی جاتی تھی مگر اب کی بار جب پوچھ گچھ کی گئی تو ان سے 5لاکھ امریکی ڈالر بر آمد ہوئے۔ذرائع کا کہنا ہے کہ ایان علی ماضی میں بھی اہم شخصیات کیلئے یہ کام کرتی رہی ہیں جس پر انہیں باقاعدہ حصہ ملتا رہاہے۔