لاہور( نیوزڈیسک)ورلڈ کپ کے اہم میچ میں ساﺅتھ افریقہ کے خلاف کامیابی پر پوری قوم کے ساتھ سیاسی رہنما بھی خوش ہیں۔ صدر مملکت ممنون حسین، وزیر اعظم نواز شریف ، سابق صدر آصف علی زرداری اور عمران خان سمیت سیاسی قائدین نے ٹیم اور قوم کو مبارکباد دی ہے۔
صدر ممنون حسین نے اہم میچ میں ساﺅتھ افریقہ کے خلاف قومی ٹیم کی کامیابی پر پوری قوم کو مبارکباد دی ہے۔۔صدر مملکت نے امید کا اظہار کیا کہ قومی ٹیم کامیابیوں کا یہ سفر جاری رکھے گی۔ ساﺅتھ افریقہ کے خلاف ورلڈ کپ میں پہلی بار کامیابی پروزیراعظم نواز شریف نے قومی ٹیم کے ساتھ پوری قوم کو مبارکباد دی ہے۔ وزیر اعظم نے کہا کہ پوری قوم کی نظریں کرکٹ ٹیم پر مرکوز ہیں توقع ہے جیت کا یہ تسلسل جاری رہے گا۔ انہوں نے کہا کہ جنوبی افریقہ کیخلاف ٹیم کی فتح میں سرفراز احمد نے کلیدی کردار ادا کیا۔ وزیراعظم نواز شریف نے کہا کہ قومی ٹیم آئندہ میچوں میں بھی ٹیم متحد ہو کر کھیلے اور بہترین کارکردگی دکھائے۔ سابق صدر آصف علی زرداری نے بھی فتح پر پوری قوم کو مبارکباد دیتے ہوئے ٹیم کے لیے نیک خواہشات کا اظہار کیا ہے۔ تحریک انصاف کے چیئرمین اور انیس سو بانوے ورلڈکپ فاتح ٹیم کے کپتان عمران خان نے قومی ٹیم کی شاندار فتح پر قومی ٹیم کو مبارکباد دیتے ہوئے کہا ہے کہ دعا ہے کہ 1992ءکی طرح مصباح الحق کی ٹیم بھی آگے بڑھے۔ قومی ٹیم کو سخت ٹیم کیخلاف فتح کی اشد ضرورت تھی۔ انہوں نے کہا کہ۔1992 ءکے ورلڈ کپ میں بھی اسی طرح پاکستانی ٹیم کا آغاز بہت سست تھا۔ ایوزیشن لیڈر سید خورشید شاہ نے بھی قومی ٹیم کو کامیابی پر پاکستانی قوم اور مصباح الیون کو مبارکباد دی ہے۔