اسلام آباد(نیوز ڈیسک) سینٹ انتخابات کیلئے خیبرپختونخوا میں اپوزیشن جماعتوں میں سیٹوں کی تقسیم پر ڈیڈ لاک برقرارہے۔پیرکو مسلم لیگ ن، جے یوآئی، قومی وطن پارٹی، پیپلزپارٹی اور اے این پی کے مذاکرات کے دو دور ہوئے لیکن یہ مذاکرات بے نتیجہ رہے ہیں۔ذرائع کے مطابق مسلم لیگ ن اور جے یوآئی سینٹ میں جنرل اور ٹیکنوکریٹ کی ایک ایک نشست کے مطالبہ پر بضد ہیں جبکہ پیپلز پارٹی بھی ایک جنرل نشست پر اپنا امیدوار لانا چاہتی ہے۔ذرائع کایہ بھی کہناہے کہ اپوزیشن جماعتوں میں مذاکرات کا حتمی دور آج ہوگاجس میں برف پگھلنے کا امکان ہے۔