کراچی(نیوز ڈیسک) کالعدم پیپلز امن کمیٹی کے سربراہ اور لیاری گینگ وار کے انتہائی مطلوب ملزم عزیر جان بلوچ کو یو اے ای حکام کی جانب سے آج پاکستانی حکام کے حوالے کیے جانے کا امکان ہے۔اس حوالے سے ذرائع کا کہنا ہے کہ عزیر بلوچ کی حوالگی کے لیے کراچی پولیس اور رینجرز سندھ کے افسران پر مشتمل ایک ٹیم پہلے ہی وہاں پر موجود ہے اور اس بات کا بھی امکان ظاہر کیا جا رہا ہے کہ یو اے ای حکام کی جانب سے عزیر بلوچ کی حوالگی ملتے ہی پولیس ٹیم پاکستان روانہ ہوجائے گی۔تاہم سیکیورٹی خدشات کے پیش نظر اس بات کا بھی امکان ہے کہ عزیر بلوچ کو کراچی لانے کے بجائے اسلام آباد لے جایا جائے۔ اس بات کا حتمی طور پر فیصلہ اعلیٰ حکام کی ہدایت اور عزیر بلوچ کی حوالگی کے بعد ہی کیا جائے گا۔