اسلام آباد: بھارتی وزیر اعظم نریند ر مودی نے وزیراعظم نوازشریف کو ٹیلیفونک رابطہ کیا اور دو طرفہ تعلقات کے امور پر تبادلہ خیال کیا ۔ذرائع کے مطابق نریندر مودی نے نوازشریف سے ٹیلیفون پر دس منٹ تک بات چیت کی جس میں اہم امور زیر بحث آئے اور مختلف باہمی تعاون کے امور پر بھی تبادلہ خیال کیا گیا۔ اس موقع پر نریندر مودی نے تمام سار ک ممالک کے سربراہوں سے نیک تمناﺅں کا اظہار بھی کیا ۔اس موقع ہر دونوں ہم منصبوں نے پاک بھارت میچ کا بھی بے چینی سے انتظار کا اظہار کیا ۔نریندر مودی نے اس موقع پر نواز شریف کو آگاہ کیا کہ بھارتی وزیر خارجہ بھی جلد پاکستان کا دورہ کریں گے۔ گزشتہ رات ڈی جی آئی ایس پی آر نے بھارت کو پاکستان میں مداخلت سے باز رہنے کا کہتے ہوئے کہا کہ بھارت افغانستان کے ذریعے پاکستان میں مداخلت کرتا تھا لیکن ہم بھارت کو یہ پیغام دینا چاہتے ہیں کہ بھارت کو اس مداخلت کا نقصان ہو گا اس لیے اسے ایسی کاروائیوں سے باز رہنا چاہیئے۔عاصم باجوہ نے کہاکہ ملا فضل اللہ نے پشاور میں سکول پر حملہ بھارت کے کہنے پر کروایا تھا۔ واضح رہے کہ گزشتہ رات نوازشریف نے امریکی صدر باراک اوباما سے ٹیلیفونک رابطہ کیا تھا جس میں امریکی صدر نے نوازشریف کو دورہ بھارت سے متعلق اعتماد میں بھی لیا تھا۔اس موقع پر نوازشریف نے امریکی صدر سے کہاکہ بھارت مسلسل اقوام متحدہ قراردادوں کی خلاف ورزیاں کر رہاہے اس لیے بھارت سلامتی کونسل کا مستقل رکن بننے کا بھی حقدار نہیں ہے اور نواز شریف نے امریکی صدر سے پاکستان کی نیوکلیئر پاور گروپ کی رکنیت حاصل کرنے کی خواہش کا بھی اظہار کیا۔