اسلام آباد (این این آئی)وفاقی حکومت نے پاکستان تحریک انصاف کو دوبارہ مذاکرات کی دعوت دے دی۔
جمعرات کو پی ٹی آئی رہنماء عامر ڈوگر کی سپیکر قومی اسمبلی ایاز صادق سے ملاقات ہوئی جس میں وفاقی وزیرپارلیمانی امورڈاکٹر طارق فضل چوہدری بھی شریک تھے۔ملاقات میں حکومتی رہنمائوں نے پی ٹی آئی کو کو مذاکرات کی دوبارہ دعوت دیتے ہوئے کہا پارلیمنٹ ہائوس میں آپ کی تجویز کردہ جگہ پر مذاکرات ہوسکتے ہیں۔وفاقی وزیر پارلیمانی امور طارق فضل چوہدری نے کہا کہ مذاکرات ہی سیاسی مسائل کا واحد حل ہیں، مذاکرات کے حوالے سے بال پی ٹی آئی کے کورٹ میں ہے۔
انہوں نے کہا کہ وزیراعظم کی اپوزیشن لیڈر کو مذاکرات کی دعوت کا ابھی تک جواب نہیں آیا، توقع ہے کہ پی ٹی آئی مذاکرات کی دعوت کو سنجیدہ لے گی۔
