اسلام آباد(نیوز ڈیسک)امریکی صدر ڈونلڈ ٹرمپ نے کہا ہے کہ ایران کے غیر مشروط ہتھیار ڈالنے تک ہی خطے میں جاری کشیدگی کا خاتمہ ممکن ہے۔
جمعہ کے روز اپنے بیان میں ٹرمپ نے ایران پر زور دیا کہ دشمنی ختم کرنے کا واحد قابل قبول طریقہ یہ ہے کہ تہران بغیر کسی شرط کے ہتھیار ڈالے۔ انہوں نے وعدہ کیا کہ اگر ایران اس شرط پر عمل درآمد کرے اور نئی قیادت قائم کرے تو امریکہ اس کی معیشت کی بحالی میں مدد فراہم کرے گا۔ٹرمپ نے اپنے ٹروتھ سوشل پلیٹ فارم پر لکھا کہ ایران کے ساتھ صرف غیر مشروط ہتھیار ڈالنے پر ہی کوئی معاہدہ ممکن ہوگا۔ یہ بیان ایسے وقت سامنے آیا جب اسرائیل نے تہران میں حکومتی مقامات اور بیروت میں حزب اللہ کے ٹھکانوں پر فضائی حملے کیے، جبکہ امریکی وزیر دفاع پیٹ ہیگستھ نے کہا کہ ایران کے خلاف امریکی کارروائیاں “ڈرامائی انداز میں بڑھ رہی ہیں۔
”صدر ٹرمپ نے مزید کہا کہ اسلامی جمہوریہ ایران کے کسی بھی قسم کے تعاون کے بعد، امریکہ اور اس کے اتحادی اسے “تباہی کے دہانے سے واپس لانے اور معیشت کو پہلے سے کہیں زیادہ مضبوط، بہتر اور ترقی یافتہ بنانے” کے لیے کام کریں گے۔
