پشاور(این این آئی)پی ٹی آئی رہنما شوکت یوسفزئی نے کہا ہے کہ تحریک انصاف کے 2 مطالبات مانے بغیر مذاکرات آگے نہیں بڑھ سکیں گے۔حکومت کے ساتھ مذاکرات کے حوالے سے بات کرتے ہوئے شوکت یوسفزئی نے کہا کہ تحریک انصاف نے مذاکرات کو آگے بڑھانے کیلئے 2مطالبات فائنل کردئیے ہیں،ان مطالبات میں بے گناہ سیاسی کارکنوں کی رہائی اور 9مئی و 26 نومبر پر جوڈیشل کمیشن بنانے کا مطالبہ شامل ہے۔

انہوں نے کہا کہ تک حکومت ان دونوں مطالبات کو تسلیم نہیں کرتی مذاکرات آگے نہیں بڑھ سکیں گیمتحریک انصاف نے اپنا ایجنڈا فائنل کر دیا ہے، ان دو نکات کے ماننے بغیر مذاکرات میں پیش رفت کا کوئی امکان نہیں ہے اور نہ ہی تحریک انصاف اس سے پیچھے ہٹے گی۔شوکت یوسفزئی نے کہا کہ بانی پی ٹی آئی کی طرف سے سول نافرمانی کی تحریک برقرار ہیم حکومتی کمیٹی کے رویے پر منحصر ہے کہ اگر انہوں نے ان 2نکات پر سنجیدگی کا مظاہرہ کیا اور اس پر عمل درآمد یقینی بنایا تو سول نافرمانی کی تحریک واپس لینے کے لیے بانی پی ٹی آئی سے اپیل کی جا سکے گی۔انہوں نے کہا کہ اگر حکومت نے ان 2نکات پر لچک نہ دکھائی اور اس پر عمل درآمد نہیں کرایا تو سول نافرمانی کی تحریک جاری رہے گی اور پھر تحریک انصاف احتجاج کے لیے اپنا ردعمل بنائے گی۔ 30 جنوری تک حکومت کے پاس وقت ہے۔