ملاقات میں سالک حسین، چوہدری وجاہت بھی موجود تھے، سیاسی صورتحال پر بھی تبادلہ خیال ہوا
لاہور( این این آئی) پاکستان مسلم لیگ (ق) کے سربراہ چوہدری شجاعت حسین نے کیمپ جیل میں قید تحریک انصاف کے صدر و سابق وزیر اعلیٰ پنجاب چوہدری پرویز الٰہی سے ملاقات کر کے ان کی خیریت دریافت کی جبکہ ان کی خاندان میں واپسی کے لئے کوشش بھی کی گئی۔ اس موقع پر چوہدری سالک حسین اور چوہدری وجاہت بھی موجود تھے۔ شجاعت حسین نے پرویز الٰہی کی خیریت دریافت کی جبکہ اس موقع پر سیاسی حالات سے متعلق بھی گفتگو کی گئی ۔بتایا گیا ہے کہ ملاقات میں پرویز الٰہی کوخاندان میں واپس لانے کیلئے قائل کرنے کی کوشش کی گئی تاہم پرویزالٰہی نے اپنا پہلے والا موقف دہرایا ہے ۔ شجاعت حسین نے مزید کچھ روز سوچ کر فیصلہ کرنے کی بات جس پرپرویز الٰہی خاموش رہے ۔بتایا گیاہے کہ چوہدری برادران کے دوران جلد ایک اور ملاقات کا امکان ہے ۔علاوہ ازیں ملاقات سے قبل میڈیکل بورڈ نے پرویز الٰہی کا تفصیلی طبی معائنہ بھی کیا ۔ڈاکٹروں کی ٹیم نے جیل میں چوتھی مرتبہ چوہدری پرویز الٰہی کا معائنہ کیا ہے۔