اسلام آباد (این این آئی)کابینہ کی اقتصادی رابطہ کمیٹی نے بجلی پر نیلم جہلم سرچارج ختم کرنے اور رمضان تک آٹا، چینی، چاول اور دالوں پر سبسڈی جاری رکھنے کی منظوری دیدی۔جمعہ کو اسلام آباد میں وزیر خزانہ حفیظ شیخ کی زیر صدارت اقتصادی رابطہ کمیٹی کا اجلاس ہوا۔اجلاس میں یوٹیلیٹی سٹورز پر سبسڈی والی اشیا کی قیمتوں

پر نظرثانی کا جائزہ لیا گیا، چینی، آٹا، گھی کی قیمتوں پر نظرثانی سے متعلق مختلف تجاویز پر غور کیا گیا۔کمیٹی نے اشیائے ضروریہ کی قیمتوں میں محدود سطح تک اضافے کی منظوری دیدی۔ای سی سی نے اوشئین شپنگ سرورسز کو 5.8 لاکھ ڈالر فراہم کرنے کی منظوری دیدی۔جرمن کمپنی کو اسٹیل ملز کے لئے کوئلے کی فراہمی کے بقایاجات کی مد میں ادائیگی کی جائے گی کمیٹی نے آئی ٹی اور ٹیلی کام سیکٹر میں ٹیکسوں کے مسائل کے حل کیلئے قائم ذیلی کمیٹی کی سفارشات پر ایف بی آر کی تجاویز کی منظوری دیدی۔وزارت توانائی کی آف شور سپلائی کنٹریکٹرز کو ادائیگیوں پر ٹیکس عائد کرنے کی سمری پر غور کیا گیا۔سیکرٹری قانون کی سربراہی میں تجاویز کی تیاری کیلئے سب کمیٹی قائم کردی گئی۔کمیٹی نے بجلی بلوں پر 10 پیسے فی یونٹ نیلم جہلم سرچارج ختم کرنے کی بھی منظوری،زرعی شعبے کیلئے کورونا وبا کے تناظر میں وزیراعظم ریلیف پیکیج کی سبسڈی کی تقسیم بارے سمری منظور کر لی گئی۔ای سی سی نے نیشنل الیکٹرانکس کمپلیکس منصوبے کیلئے ساورن گارنٹی کی منظوری بھی دیدی۔سپیشل کمیونیکیشن آرگنائزیشن کیلئے 55 کروڑ روپے کی سپلیمنٹری گرانٹ کی منظوری دیدی گئی۔احساس پروگرام کی میڈیا مہم کے واجبات کی ادائیگی کیلئے وزارت اطلاعات کو 10.9 کروڑ کی ادائیگی کی منظوری اور سپیشل ٹیکنالوجی زونز کیلئے 20 کروڑ کے اجرا کی منظوری دی گئی۔

موضوعات:نیلم جہلم سرچارج