اسلام آباد(مانیٹرنگ ڈیسک)گلگت الیکشن،پہلے غیر حتمی غیر سرکاری نتائج کے مطابق تحریک انصاف کا پہلا امیدوار کامیاب ہو گیا ہے ۔ تفصیلات کے مطابق جی بی 11 کھرمنگ ، پاکستان تحریک انصاف کے امیدوار سید امجد زیدی 5872ووٹ لے کر سب سے آگے ہیں ،
آزاد امیدوار سید محسن رضوی 1396ووٹ لے کر دوسرے نمبر پر جبکہ آزادامیدوار اقبال حسین 1332ووٹ لے کر تیسرے نمبر پر ہیں ۔ پاکستان پیپلز پارٹی کے امیدوار نیاز علی صیام400ووٹ لے کر سب سے پیچھے ہیں ۔ دوسری جانب جی بی اے 12 شگر کے مجموعی 70 پولنگ اسٹیشنز میں سے 5 کے غیرحتمی و غیرسرکاری نتیجے کے مطابق پیپلزپارٹی کے امیدوار عمران ندیم 435 ووٹ لیکر آگے ہیں جب کہ تحریک انصاف کے راجہ اعظم خان 330 ووٹ لیکر دوسرے نمبر پر ہیں۔جی بی اے 13 استور کے 49 میں سے 7 پولنگ اسٹیشن کے غیر حتمی و غیر سرکاری نتائج کے مطابق مسلم لیگ ن کے امیدوار رانا فرمان علی 620 ووٹ لیکر آگے ہیں جب کہ پیپلز پارٹی کے عبدالحمید 570 ووٹ لیکر دوسرے نمبر پر ہیں۔
