اسلام آباد (این این آئی)نیب نے سابق وزیراعظم نواز شریف کو ان کی لندن میں رہائش گاہ پر طلبی نوٹس بھیجنے کا فیصلہ کرلیا ۔ ذرائع کے مطابق نیب کے ایک سینئر افسر نے وزارت خارجہ کے متعلقہ حکام سے رابطہ کیا ،نیب کی جانب سے نواز شریف کو نوٹس بھجوانے کے معاملہ پر وزارت خارجہ کے حکام سے مشاورت کی گئی ۔
سفارتی ذرائع کے مطابق دفترخارجہ نے لندن میں ہائی کمیشن کو زبانی طور پر معاملے سے آگاہ کردیا۔ سفارتی ذرائع کے مطابق وزارت خارجہ کے ذریعہ نواز شریف کی طلبی کے سمن لندن میں ہائی کمیشن کو بھجوانے کا فیصلہ کیا گیا ۔ سفارتی ذرائع کے مطابق لندن میں پاکستانی ہائی کمیشن طلبی نوٹس نواز شریف کی رہائش گاہ پہنچائے گا۔
