اسلام آباد (این این آئی)سپریم کورٹ نے کورونا از خود نوٹس کیس کی سماعت کا تحریری حکمنامہ جاری کر دیا ہے جس میں کہاگیا ہے کہ کرونا سے متعلق حکومتی اعلی سطح اجلاس کی تفصیلات عدالت میں پیش کی جائیں،سندھ حکومت آئندہ سماعت پر تفصیلی رپورٹ جمع کرائے،پنجاب حکومت کی جانب سے بین الصوبائی سفری پابندی کا نوٹیفکیشن کالعدم قرار دیا جاتا ہے۔

بین الصوبائی سفری پابندی لگانا آرٹیکل 15 کے تحت وفاق کا اختیار ہے،کیس کی مزید سماعت 20اپریل کو ہوگی ۔ منگل کو جاری حکم نامے میں کہاگیاکہ اٹارنی جنرل نے بتایا کہ کرونا سے نمٹنے کیلئے تمام وسائل بروئے کار لائے جا رہے ہیں ،کرونا سے متعلق قانون سازی کیلئے حکومت سے مشاورت کی یقین دہانی کرائی گئی۔ حکم نامے کے مطابق تمام صوبوں نے بھی کرونا سے تحفظ کیلئے اقدامات کی یقین دہانی کرائی،پی پی ای اور کٹس کی ملک میں مینوفیکچرنگ بارے بتایا گیا۔ حکم نامے کے مطابق ملک بھر کے ڈاکٹرز اور پیرا میڈیکل اسٹاف فرنٹ لائن پر ہیں،میڈیکل عملہ کو پی پی ای سمیت تمام ضروری طبی سامان مہیا کیا جائے۔ عدالت کے مطابق پی ایم اے کے سربراہ نے 40000 ڈاکٹرز کی رجسٹریشن جلد مکمل کرنے کی یقین دہانی کرائی۔حکمنامہ کے مطابق کرونا سے متعلق حکومتی اعلی سطح اجلاس کی تفصیلات عدالت میں پیش کی جائیں،کیس کی مزید سماعت 20 اپریل کو ہوگی۔حکنمامہ میں کہاگیاکہ کراچی میں 11 یونین کونسلز کو سیل کر دیا گیا،سندھ میں حالات بہت خراب ہیں عوام انتظامیہ سے تنگ آکر سراپا احتجاج ہے۔حکنمامہ میں کہاگیاکہ سندھ کی عوام کو ضروری اشیا خریدنے کی کوئی سہولت نہیں دی جارہی۔ حکمنامے کے مطابق سندھ حکومت کی جانب سے 8 ارب روپے راشن تقسیم کرنے کی کوئی تفصیل پیش نہیں کی گئی۔حکنمامہ میں کہاگیاکہ سندھ حکومت آئندہ سماعت پر تفصیلی رپورٹ جمع کرائے،پنجاب حکومت کی جانب سے بین الصوبائی سفری پابندی کا نوٹیفکیشن کالعدم قرار دیا جاتا ہے۔حکمنامہ میں کہاگیاکہ بین الصوبائی سفری پابندی لگانا آرٹیکل 15 کے تحت وفاق کا اختیار ہے

موضوعات:سپریم کورٹ