اسلام آباد(مانیٹرنگ ڈیسک)حکومتی اقدامات کے بعد بھی ابھی تک ملک بھر میں حالات زیادہ بہتری کی طرف نہیں گئے۔ اسی تناظر میں بات کرتے ہوئے اپنی یوٹیوب ویڈیو میں تجزیہ نگار صابر شاکر کا کہنا تھا کہ پاکستان کے زیادہ متاثرہ علاقوں میں کرفیو لگانے پر غور کیا جا رہا ہے۔ابھی تک پاکستان کے کئی علاقوں میں فوج کے دستے نظر نہیں آرہے تھے، لیکن اب وہ
گشت کرتے ہوئے نظر آتے ہیں اور لوگوں کو تلقین بھی کر رہے ہیں کہ وہ گھروں میں رہیں اور باہر نکلنے سے گریز کریں۔صابر شاکر کا کہنا تھا کہ یہ حالا ت اب صرف پاکستان کے بڑوں شہروں تک محدود نہیں ہوں گے، افواج پاکستان اب پاکستان کےہر چھوٹے شہر میں جا کر بھی اپنے فرائض سرانجام دیں گے کیونکہ اب حالات کرفیوکے بغیر بہتری کی طرف نہیں جا سکتے۔
