اسلام آباد (این این آئی)وزیراعظم کی معاون خصوصی برائے اطلاعات و نشریات فردوس عاشق اعوان نے کورونا وائرس سے حفاظت اور عافیت کے لیے سوشل میڈیا پر دعا شیئر کردی۔سماجی رابطے کی ویب سائٹ ٹوئٹر پر اپنے ایک بیان میں وزیراعظم کی معاون خصوصی برائے اطلاعات و نشریات فردوس عاشق اعوان نے کہا کہ بطور مسلمان کورونا وائرس سے حفاظت کی دعا پڑھنی چاہیے۔

انہوں نے کہا کہ وزیراعظم کا عزم ہے کہ ’کورونا وائرس سے ڈرنا نہیں لڑنا ہے جبکہ کورونا سے متعلق صوبائی حکومتوں سے اقدامات اور انتظامات کی رپورٹ طلب کر لی ہے۔فردوس عاشق اعوان نے کہا کہ باقی امراض کی طرح کورونا وائرس کو بھی شکست دیں گے، کوئٹہ، لاہور،اسلام آباد اور کراچی میں کورونا کی تشخیص کی سہولیات فراہم کر دی ہیں۔انہوں نے کہا کہ کورونا وائرس کے 98 فیصدسے زائد مریض صحت مند ہوجاتے ہیں، یہ لاعلاج نہیں قابلِ علاج ہے، خوفزدہ ہونے کی ضرورت نہیں۔معاون خصوصی نے کہاکہ کورونا وائرس تشویش اور پریشانی کی بات نہیں، بطور مسلمان کورونا وائرس سے حفاظت کی دعا پڑھنی چاہیے، حفاظتی تدابیر اختیار کرنا خصوصاً صفائی کا اہتمام لازم ہے۔

موضوعات:فردوس عاشق اعوان