اسلا م آباد (مانیٹرنگ ڈیسک ) وزیراعظم عمران خان نے کابینہ ارکان اور قریبی ساتھیوں کی سرگرمیوں سے باخبر رہنے کیلئے اقدامات شروع کر دیئے ہیں۔روزنامہ جنگ کے مطابق وزیر اعظم نے اس مقصد کیلئے وفاقی خفیہ ایجنسی کو ڈیوٹی سونپ دی ہے اور انہیں ہدایت کی گئی ہے کہ وہ منفی سرگرمیوں کے حوالے سے انہیں باخبر رکھیں۔
ذرائع کے مطابق وزیر اعظم نے منگل کو ہونے والے کابینہ اجلاس میں ایک مشیر کے ساتھ سخت رویہ اختیار کیا، وزیر اعظم کو مفصل خفیہ رپورٹس موصول ہو رہی ہیں۔اسی طرح وزیراعظم کے ایک قریبی ساتھی کے ساتھ بھی تعلقات تناؤ کا شکار ہیں، وزیراعظم کو موصول سکیورٹی رپورٹس میں بعض وزرا ءکو بہت مخلص بھی قرار دیا گیا ۔
