اسلام آباد(مانیٹرنگ ڈیسک)پی ٹی آئی کی رکن قومی اسمبلی کنول شوذب نے انکشاف کیا ہےکہ رخصت پر جانے والے چیئرمین ایف بی آر شبرزیدی کو صحت کے مسائل کے ساتھ ساتھ مافیاز کی وجہ سے بھی مسائل کا سامنا کرنا پڑا ۔نجی ٹی وی پروگرام میں گفتگو کرتے ہوئے کنول شوذب نے کہا کہ شبرزیدی کو آرام کی ضرورت ہے ، ان کوصحت اور مافیا کی
وجہ سے مسائل درپیش ہیں۔سپیکر قومی اسمبلی نے بھی اراکین کی تنخواہوں میں اضافے کا بل مسترد کردیا کیونکہ عوام تکلیف میں ہیں اور ہم نہیں چاہتے کہ اراکین کی تنخواہوں میں اضافہ ہو۔انہوں نے مزید کہا سب متفق ہیں کہ اس وقت عوام کی داد رسی کی کوشش کرنی ہے، چار، پانچ ماہ مشکل ہوں گے جس کے بعد جلد معاملات بہتر ہو جائیں گے۔
