3 انتہائی اہم معاملے، امریکہ کی انتہائی اہم شخصیت اسلام آباد پہنچ گئی، آرمی چیف سے بھی ملاقات کریں گی

19  جنوری‬‮  2020

اسلام آباد (این این آئی)امریکی پرنسپل ڈپٹی اسسٹنٹ سیکریٹری ایلس ویلز اسلام آباد پہنچ گئیں۔اسلام آباد پہنچنے پر ایلس ویلز اور ان کے وفد کا پرتپاک استقبال کیا گیا۔ذرائع کے مطابق استقبال کرنے والوں میں دفتر خارجہ حکام اور امریکی سفارت خانے کے حکام بھی شامل تھے۔ ذرائع نے بتایاکہ ایلس ویلز 22 جنوری تک پاکستان میں چار روز قیام کریں گی،دورہ پاکستان میں ایلس ویلز سینئر حکومتی حکام اور سول سوسائٹی کے نمائندگان سے ملاقاتیں کریں گی،

ذرائع نے بتایاکہ ایلس ویلز پاکستان پہنچنے پر وزیر خارجہ شاہ محمود قریشی سے ملاقات کریں گی،ایلس ویلز کی وزیراعظم عمران خان اور مسلح افواج کے سربراہ قمر جاوید باجوہ سے بھی ملاقاتیں متوقع ہیں۔ذرائع کے مطابق ملاقاتوں میں باہمی اور علاقائی تحفظات کے معاملات پر بات چیت کی جائے گی۔ ذرائع کے مطابق ایلس ویلز پاکستانی حکام سے پاک امریکہ تعلقات میں بہتری، افغانستان میں قیام امن و مفاہمتی عمل پر بات چیت کی جائے گی،ایلس ویلز سری لنکا اور بھارت کے دورے مکمل کر کے اسلام آباد پہنچی ہیں۔امریکی پرنسپل ڈپٹی اسسٹنٹ سیکریٹری حالیہ ایران امریکہ کشیدگی اور افغانستان میں جااری مفاہمتی عمل و امریکہ-طالبان مذاکرات کے حوالے سے بھی پاکستانی حکام سے بات چیت کریں گی۔ ذرائع کے مطابق ایلس ویلز کی جانب سے امریکہ کی پاکستان کو فوجی امداد و فوجی تعلیم و تربیت کے معاملات بھی زیر غور آنے کا امکان ہے۔ ذرائع کے مطابق پاکستانی قیادت ملاقاتوں میں مسئلہ جموں و کشمیر اور مقبوضہ خطے میں بھارت کے غاصبانہ اقدامات کا معاملہ اٹھائے گی۔ذرائع کا کہنا تھا کہ پاکستانی حکام مقبوضہ جموں و کشمیر میں بھارتی کی جانب سے کی جانے والی انسانی حقوق کی خلاف ورزیوں کو اجاگر کریں گے اور کرفیو کے خاتمے پر زور دیا جائے گا۔ذرائع نے بتایا کہ امریکی اعلیٰ سفارت کار سے بھارت میں متنازع شہریت بل، جنوبی ایشیا میں کشیدگی پر بھی بات ہوگی اور بھارت میں ہندتوا راج، مسلمان مخالف نفرت انگیز اور پرتشدد کارروائیوں کا معاملہ بھی اٹھایا جائے گا۔

موضوعات:



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…