اسلام آباد (مانیٹرنگ ڈیسک)چیف جسٹس گلزار احمد نے ستائیسویں چیف جسٹس کی حیثیت سے حلف اٹھالیا ۔وہ 2 سال ایک ماہ اور دس دن تک یعنی یکم فروری 2022 تک چیف جسٹس کے عہدے پر فائز رہیں گے۔جسٹس گلزار احمدنے گریجویشن گورنمنٹ نیشنل کالج کراچی اور ایل ایل بی ، ایس ایم لا کالج کراچی سے کیا۔جسٹس گلزار27 اگست 2002ءکو سندھ ہائیکورٹ جبکہ16نومبر 2011ءکو سپریم کورٹ کے جج بنے۔

آپ ملکی تاریخ کے اہم ترین مقدمات کی سماعت کرنے والے بنچز کا بھی حصہ رہے۔ جسٹس گلزار احمد پاناما بنچ کا حصہ رہے جبکہ کراچی میں چائنا کٹنگ اور قبضہ مافیا کے خلاف فیصلہ دیا۔ اس فیصلے کی روشنی میں 500 سے زائد غیر قانونی عمارتوں کو مسمار کیا گیا۔وہ دو وزرائے اعظم سید یوسف رضا گیلانی اور نواز شریف کو نااہل کرکے گھر بھیجنے والے بینچز سمیت اہم کیسز کا حصہ رہے۔