لاہور (نیوز ڈیسک) وزیراعظم عمران خان نے ایوان وزیراعلیٰ میں وزیراعلیٰ پنجاب سردار عثمان بزدار، مشیر اطلاعات فردوس عاشق اعوان اور مشیر ماحولیات ملک امین اسلم کے ہمراہ پریس کانفرنس کی اس پریس کانفرنس میں انہوں نے کہا کہ پنجاب میں اب بالکل ایک تبدیلی آئے گی اور پرانے پنجاب اور اس پنجاب کے گورننس نظام میں پہلی مرتبہ تبدیلی نظر آئے گی۔وزیراعظم نے کہا کہ اورنج ٹرین 10 دسمبر کو شروع ہورہی ہے لیکن پنجاب حکومت کو خسارے مکمل کرنے کے لیے تیاری کرنا ہوگی۔اسموگ کے حوالے سے ایک سوال

پر ان کا کہنا تھا کہ لاہور میں مانیٹرنگ کے دو سینٹرز تھے جو بند پڑے تھے اب لاہور میں 10 اورپورے پنجاب میں 30 سینٹرز بنارہے ہیں، پہلی مرتبہ مانیٹرنگ کی جائے، صحیح معنوں میں پتہ چل جائے گا کہ ہوا میں کتنی آلودگی ہے۔وزیراعظم نے کہا کہ پاکستان معاشی حوالے سے بڑے مشکل حالات نکلا ہے اور مجھے اپنی معاشی ٹیم پر فخر ہے کیونکہ کسی اس کی توقع نہیں تھی۔اللہ کا شکرہے کہ پاکستان اس بحران سے نکل گیا ہے، اب ہم نوکریاں بڑھانے، اپنی معیشت چلانے، صنعتیں اور تعمیراتی صنعت چلائیں گے۔