اسلام آباد(نیوزڈیسک)قطر پہنچنے پر سابق وزیراعظم پاکستان نوازشریف کے ساتھ کیا سلوک کیاگیا؟ جس نے دیکھا،دیکھتا ہی رہ گیا، تفصیلات کے مطابق قطر پہنچنے پر امیر قطر کی جانب سے سابق وزیراعظم پاکستان نوازشریف کو شاہی پروٹوکول دیاگیا، قطری چیف پروٹوکول آفیسر نے نوازشریف کوطیارے کےاندر جاکر ریسیو کیا جس کے بعد نوازشریف کو رائل ٹرمینل لاؤنج لایا گیا اور نوازشریف کا طبی معائنہ بھی کیا گیا،اور طیارے کی ری فیولنگ بھی کی گئی، اس موقع پر سیکورٹی کے انتہائی سخت اقدامات دیکھنے میں آئے، قبل ازیں سابق وزیراعظم پاکستان نوازشریف لاہور ائیرپورٹ جانے کے لیے سخت سکیورٹی میں جاتی
امرا سے روانہ ہوئے، اس موقع پر ان کی رہائش گاہ کے باہر موجود کارکنان نے نعرے بازی کی اور ان کی گاڑی پر پھول نچھاور کیے۔ائیرپورٹ پہنچنے پر نوازشریف کی روانگی کے لیے امیگریشن کی کارروائی مکمل کی گئی جس کے بعد ان کا ائیرایمبولینس میں چیک اپ کیا گیا جس کے بعد ائیرایمبولینس نے تقریباً ساڑھے 10 بجے لاہور کے علامہ اقبال ائیرپورٹ سے اڑان بھری۔نوازشریف کے ہمراہ ان کے بھائی شہباز شریف اور ذاتی معالج ڈاکٹر عدنان سمیت 7 افراد لندن روانہ ہوئے ہیں۔نوازشریف کے ہمراہ پارٹی رہنما بھی ائیر پورٹ روانہ ہوئے تاہم مسلم لیگ (ن) کی نائب صدر مریم نواز اپنے والد نوازشریف کو رخصت کرنے ائیرپورٹ نہیں گئیں، انہوں نے اپنی دادی کے ہمراہ نوازشریف کو گھر سے رخصت کیا۔