لاہور(سی پی پی)سابق وزیراعظم نواز شریف کی حالت بدستور تشویشناک ہے، شریف فیملی نے نیشنل بلڈ اینڈ بون میرو ڈیزیزز کراچی کے سربراہ ڈاکٹر طاہر شمسی کی خدمات حاصل کر لی۔ذرائع کے مطابق ڈاکٹر طاہر شمسی سابق وزیراعظم نواز شریف کا دوبارہ طبی معائنہ کریں گے، ٹیسٹوں کی روشنی میں نواز شریف کی ادویات میں ردوبدل کا امکان ہے۔ذرائع کے مطابق
سابق وزیراعظم کو سفر کے قابل بنانے والی ادویات کے استعمال کے منفی اثرات کم نہ ہوسکے، نواز شریف کے جسم پر خون کے دھبے اور سوجن کم نہ ہوسکی، پلیٹ لیٹس کی تعداد برقرار رکھنے کی کوشش کرتے ہیں تو دل سمیت دیگر امراض کے بگڑنے کا اندیشہ ہوتا ہے، شریف میڈیکل بورڈ اور ڈاکٹر طاہر شمسی کچھ دیر بعد سابق وزیراعظم کی موجودہ صورتحال پر اجلاس کریں گے۔
