اسلام آباد(مانیٹرنگ ڈیسک)مولانا فضل الرحمان کی قیادت میں جے یو آئی ف کی مرکزی شوریٰ کا اجلاس ہوا،نجی ٹی وی جیو نیوز کے مطابق پشاور موڑ پر جاری آزادی مارچ آج ختم ہونےکا امکان ہے اور جے یو آئی (ف) کا دھرنا آج سے ملک بھر میں پھیل جائے گا۔

جمعیت علمائے اسلام ف کے سینیٹر مولانا عطاء الرحمان نے تمام کارکنوں سے فوری طور پر آزادی مارچ کے پنڈال میں پہنچنے کی ہدایت کی ہے۔ ان کا کہنا ہے کہ مولانا فضل الرحمان بہت اہم اعلان کریں گے، کارکنان تمام کام چھوڑ کر پنڈال میں پہنچ جائیں۔