اسلام آباد (مانیٹرنگ ڈیسک)مولانا فضل الرحمٰن نے دھرنے کے شرکاء سے خطاب کرتے ہوئے حکومت کو وارننگ جاری کی ہے کہ حکومت کے دن پورے ہو گئے ہیں اسے جانا ہی ہو گا ۔ تفصیلات کے مطابق سربراہ جے یو آئی (ف) نے کہا ہے کہ انتظامیہ نے معاہدہ توڑ دیا ہے اب حکومت ہم کریں گے ۔ اب تم پاکستان کے حکمران نہیں ، تمہاری حکومت ختم ہو چکی ۔ مولانا کا مزید کہنا تھا کہ
اس وقت مودی خوش ہے کہ پاکستان کو عمران خان نیاز ی جیسا حکمران ملا ہوا ہے اسی وجہ وہ کشمیریوں پر ظلم کے پہاڑ توڑ رہا ہے ۔ حکومت غیر آئینی، جعلی اور خلائی ہے، حکومت کی خارجہ پالیسی ناکام ہوچکی، ناجائز حکومت کا تختہ الٹ دیں گے۔مولانا فضل الرحمان نے کہا ہے کہ کرسی پر ٹانگ پہ ٹانگ رکھنے سے کوئی حکمران نہیں بن جاتا، اب پاکستان پر تمہاری رٹ اور حکمرانی ختم ہوچکی ، اب پاکستان کی رٹ ہمارے ہاتھ میں ہے،خواتین کی بات کرتے ہو؟ تم نے قائداعظم کی بہن کو ایک فوجی مرد ایوب خان کے مقابلے میں شکست دلوائی،وہ ایک جمہوری خاتون تھی، ہم آگے بڑھتے جائیں گے، یہاں تک ناجائز حکومت کا تختہ پلٹ دیں۔ جمعیت علمائے اسلام (ف) کے سربراہ مولانا فضل الرحمن نے رائیونڈ میں تبلیغی جماعت کے اجتماع میں شریک ہونے والے کارکنان کو دعا کے لئے اسلام آباد پہنچنے کی ہدایت کی ہے ۔ اپنے ویڈیو بیان میں مولانا فضل الرحمن نے کہاکہ ملک بھر سے ہمارا ساتھ دینے والے لاکھوں افراد کا ہم شکریہ ادا کر تے ہیں۔ انہوں نے کہاکہ وہ کارکنان جو کسی وجہ سے اب تک آزادی مارچ میں شرکت نہیں کرسکے یا کسی اور وجہ سے قافلے میں شامل نہیں ہو سکے ہیں ان سے درخواست ہے کہ وہ فوری اسلام آباد کا رخ کر یں ۔ انہوں نے کہاکہ کارکنان رائیونڈ اجتماع میں شریک ہیں امید ہے وہ دعا کے بعد ہمارے قافلے میں شرکت کیلئے پہنچیں ۔
