راولپنڈی(آن لائن) ڈی جی آئی ایس پی آر میجر جنرل آصف غفور نے اپنے ٹویٹ میں کہا ہے کہ چند افراد مذموم مقاصد کے لئے پی ٹی ایم کے معصوم کارکنوں کو استعمال کر رہے ہیں، دہائیوں کی جدو جہد کے ثمرات ضائع کرنے کی اجازت نہیں، بہادر قبائلیوں کی قربانیوں کو رائیگاں نہیں جانے دیا جائے گا۔ اتوار کے روز ٹویٹر پر جاری پیغام میں شمالی وزیرستان
واقعے سے متعلق میجر جنرل آصف غفور نے کہا ہے کہ معصوم پی ٹی ایم کارکنان کا خیال رکھنے کی ضرورت ہے چند افراد مذموم مقاصد کے لئے پی ٹی ایم کارکنوں کو اکسا رہے ہیں اور پی ٹی ایم کا رکنوں کو استعمال کر رہے ہیں بہادر قبائلیوں کی قربانیوں کو رائیگاں نہیں جانے دیا جائے گا۔ دہائیوں پر مشتمل جدو جہد کے ثمرات ضائع کرنے کی اجازت نہیں ہے۔
