اسلام آباد(مانیٹرنگ ڈیسک)پنجاب کے وزیر اعلیٰ سردار عثمان بزدار کے والد فتح محمد بزدار انتقال کر گئے، مرحوم عارضہ قلب میں مبتلا تھے۔نجی ٹی وی کے مطابق فتح محمد بزدار کو تونسہ شریف میں واقع ان کی رہائش گاہ سے دل کادورہ پڑنے پر تحصیل ہیڈکوارٹر ہسپتال منتقل کیا گیا تھا جہاں وہ جانبر نہ ہو سکے۔مرحوم سردار فتح محمد 3 مرتبہ پنجاب اسمبلی کے رکن منتخب ہو چکے ہیں۔

وزیر اعلیٰ پنجاب کے والد مرحوم سردار فتح محمد کی نماز جنازہ اور تدفین ان کے آبائی علاقے ڈیرہ غازی خان کے قبائلی علاقے بارتھی میں ہوگی۔دریں اثنا عثمان بزدارکے والد کے انتقال پر وزیر اعظم عمران خان ، صدر عارف علوی ،آرمی چیف جنرل قمر جاوید باجوہ، تینوں صوبوں کے وزرائے اعلیٰ اور چاروں صوبوں کے گورنرز سمیت اہم سیاسی و سماجی شخصیات نے اظہار افسوس کیا ہے ۔