اسلام آباد (آن لائن) سعودی عرب کی جانب سے سی پیک منصوبے میں شمولیت پر چین نے موقف واضح کر دیا،سعودی عرب سمیت کوئی بھی ملک سی پیک میں حصہ لے سکتا ہے ۔نجی ٹی وی سے گفتگو کرتے ہوئے چینی ڈپٹی مشن لیجن زاہو کا کہنا تھا کہ سی پیک تیسرے فریق کی شمولیت کے لئے کھلا پروگرام ہے۔ سی پیک خطے میں گیم چینجر کی حیثیت رکھتا ہے جس کے باعث پاکستان معاشی حب بننے جارہا ہے۔منصوبے کی افادیت کے باعث

خطے کے دیگر ممالک بھی سی پیک کا حصہ بننے میں دلچسپی لے رہے ہیں جن میں سعودی عرب اور ایران سرفہرست ہیں۔وزیر اعظم عمران خان کے پہلے دورہ سعودی عرب کے دوران سی پیک میں سعودی شمولیت پر بھی بات ہوئی۔تاحال سعودی عرب سی پیک کا حصہ بننے کا خواہاں ہے۔ڈپٹی مشن لی جن زاہو کا کہنا تھا تیسرے فریق کو سٹرٹیجک پارٹنر بنانے پر پاک چین بات ہو سکتی ہے۔انکا کہنا تھا کہ تیسرے فریق کو سی پیک کا حصہ بنانے پرچین کو کوئی تحفظات نہیں۔

موضوعات:چین