ااسلام آباد(این این آئی)وفاقی حکومت کا نے ’’کامیاب جوان‘‘پروگرام فوری شروع کرنے کا فیصلہ کرلیا ۔ جمعرات کو وزیرخزانہ اسد عمر اور وزیر اعظم کے معاون خصوصی عثمان ڈار اہم اجلاس میں شریک ہوئے ۔ اجلاس کے دور ان کامیاب جوان پروگرام کے لئے 200 ارب روپے مختص کرنے کا فیصلہ کیا گیا ۔ جاری بیان کے مطابق منصوبے سے دس لاکھ نوجوانوں کو با اختیار بنانے میں مدد ملے گی۔ بیان میں
کہاگیاکہ اسٹیٹ بینک کی معاونت سے مائیکرو اینڈ سمال فنانسنگ کی حکمت عملی طے کر لی گئی۔ بیان میں کہاگیاکہ وزیراعظم کی منظوری ملتے ہی پروگرام باقاعدہ لانچ کیا جائے گا۔ وزیر خزانہ اسد عمر نے کہاکہ نوجوانوں تیار رہیں حکومت زبردست پیکیج لا رہی ہے۔وزیر خزانہ اسد عمر نے کہاکہ نوجوانوں کو کامیاب دیکھنے کے لئے سنجیدہ اقدامات کر رہے ہیں، وزیر خزانہ نے کہا کہ نوجوانوں کو روزگار اور کاروبار کی فراہمی کا مرحلہ فوری شروع ہو رہا ہے۔
