اسلام آباد(مانیٹرنگ ڈیسک) سپریم کورٹ کی جانب سے بریت حاصل کرنے والی آسیہ بی بی اس وقت کہاں ہیں اہم مغربی ممالک کے ذرائع ابلاغ اس بارے میں اپنے تجسس کا اظہار کرتے ہوئے یہ جاننے میں غیر معمولی دلچسپی کا مظاہرہ کررہے ہیں۔روزنامہ جنگ کے مطابق امریکی اور کینڈین اخبارات میں اس حوالے سے خبریں شائع ہوئی ہیں کہ آسیہ بی بی اس وقت کہاں ہیں۔ سیف الملوک کا جرمن اخبارسے گفتگو کرتے
ہوئے کہنا تھاکہ وہ اس وقت اپنے اہل خانہ کے ساتھ ہیں۔لیکن وہ سکیورٹی وجوہات کی بنیاد پر آسیہ بی بی کے پاکستان سے روانگی کے مقام اور وقت کے حوالے سے کچھ نہیں بتا سکتے، آسیہ بی بی کے ایک رابطہ کار امان اللہ نے یہ دعویٰ کیا ہے کہ آسیہ بی بی کو اسلام آباد سے کراچی لے جانے کے بعد ایک محفوظ جگہ پر منتقل کردیا ہے جبکہ اُس کے شوہر اور دو بیٹیاں اس وقت کینیڈا میں سفارتی پناہ لے چکے ہیں۔
