اسلام آباد (آن لائن) پیر پنجر سرکار نے سال 2019ء کے حوالے سے اہم پیشن گوئیاں کرتے ہوئے کہا ہے کہ ملک بڑے انقلاب کی دہلیز پر کھڑا ہے، صدارتی نظام کی راہ ہموار کی جارہی ہے، کرپٹ عناصر کی دنیا اجڑنے والی ہے۔فوج اور عدلیہ کا کردار مثالی ہوگا، شریف خاندان کا سیاسی کردار بھی ختم ہوتا دکھائی دے رہا ہے،نوازشریف، شہباز شریف ،مریم نواز مارچ تک آکشن کردئیے جائیں گے،پنجاب کی سیاسی بساط پلٹنے والی ہے‘
کپتان سمیت پوری ٹیم ہٹ وکٹ ہوگی اور ریزو کھلاڑی پر مشتمل نئی ٹیم تشکیل دی جائے گی، اقتدار کا ہما شہباز شریف کے سر پر منڈلاتا دکھائی دے رہا ہے جبکہ زمینی حقائق اس کے برعکس ہیں۔ زردری کی پیپلزپارٹی کا سیاسی کھیل ختم ہونے والا ہے ‘ بلاول ‘ بختاور اور آصفہ نئی سیاسی پناہ گاہیں تلاش کرتے نظر آرہے ہیں،مستقبل قریب میں دو ڈھائی سال پاکستان پر عورت حکومت کرے گی اور اس کے بعد اس ملک کو اعلیٰ اور شاندار قیادت میسر ہو ئی، روس برطانیہ پر ایٹمی حملہ کرے گا اور اسے صفحہ ہستی سے مٹا دے گا،شمالی کوریا جنوبی کوریا پر حملہ کرے گا۔ جنوبی کوریا کے ویرانوں سے آگ ہانکتی ہوئی دکھائی دے رہی ہے، ہندوستان میں بھی اسلام کا بول بالا ہوگا۔ آن لائن سے خصوصی گفتگو کرتے ہوئے مرد درویش اور صاحب زباں پیر پنجر سرکار نے ہمیشہ کی طرح اپنے چاہنے والوں اور پیار کرنے والوں کی فرمائش پر 2019 ء اور اس کے بعد کے حالات کے بارے میں کچھ حقائق بیان کئے ہیں کہ آئندہ ان برسوں میں کیا ہونے والا ہے۔پیر پنجر نے مزید کہا ہے کہ 17 اگست 1988 جیسا سانحہ ہوتا نظر آرہا ہے‘ عمران خان ‘ نواز شریف ‘ بلاول ‘ ججز اور مولانا فضل الرحمن اپنے حفاظتی دستوں پر توجہ دیں ۔ یوں دکھائی دے رہا ہے کہ مستقبل قریب میں دو ڈھائی سال پاکستان پر عورت حکومت کرے گی اور اس کے بعد اس ملک کو اعلیٰ اور شاندار قیادت میسر ہوگی۔ ریاست مدینہ کا دعویٰ کرنے والے حرمت رسول پر پہرہ دیں‘ کہیں دیر نہ ہوجائے۔ پھر یہ نہ کہنا کہ خبر نہیں ہوئی۔
انہوں نے کہا کہ2038 میں پاکستان کی عمر 92 سال ہوگی اور اس وقت پاکستان پوری دنیا میں اہمیت اختیار کر جائے گا اور پھر پوری دنیا کے فیصلے پاکستان کی مرضی سے ہوں گے۔ افواج پاکستان روس‘ برطانیہ اور بھارت کی نظروں میں کھنک رہی ہے اس لئے ان تینوں ممالک کو کمزور کرنا ان کا نصب العین ہے۔ پیر پنجر سرکار کا کہناہے درہ خیبر پرمحافظ کھڑا کرنے کی ضرورت بڑھ جائے گی۔ 2029 میں کشمیر کی آزادی کا سورج طلوع ہوگا‘ اور کرتار پور راہداری اس مسئلے کے حل کی طرف پہلا قدم ہے۔
کشمیر کی آزادی کے ساتھ ہی خالصتان کی بھی صبح ہوجائے گی۔ انہوں نے کہا کہ پاکستان کا مستقبل ماہرین حرب کے ہاتھوں میں نظر آرہا ہے۔ چین بلاسٹک براعظمی میزائل روس اور امریکہ پر داغے گا اور دس پاؤں پکڑ کر معافی مانگے گا۔ پیر صاحب نے فرمایا کہ حالات اتنے خراب ہوں گے کہ کسی سیانے کی ضرورت پڑے گی اور پھر سیانا ایک نہیں دو (امام مہدیؑ اور عیسیٰ علیہ السلام) آئیں گے۔ انہوں نے کہا کہ امام مہدیؑ کے ظہور سے پہلے جھوٹی گواہی عام ہوگی۔ رشوت ستانی کا دور دورہ ہوگا۔ اولاد ماں باپ کی بے ادبی کرے گی ‘
عور مرد کی تمیز ختم ہوجائے گی۔ عورت بال کٹوانا اور مرد بال بڑھانا شروع کردیں گے۔ عورتیں حکام اور مرد محکوم ہوجائیں گے۔ عورتیں لباس پہن کر بھی ننگی ہوں گی جیسا کہ آج کل فیشن ہے۔ اس فیشن نے عورتوں سے حیا‘ شرم سب کچھ چھین لیا ہے۔ میر ادین کہتا ہے کہ عورت کے پاؤں کے پازیب کی آواز غیر مرد کے کانوں تک نہیں جانی چاہیے۔ اب تو آدھی ننگی عورتیں ب ازاروں میں منڈلا رہی ہیں۔ اپنی بیٹیوں کو گھروں میں سنبھالو۔ انگوٹھی اور عورت جتنی پردے میں رہے اتنی محفوظ رہے گی۔ پیر پنجر سرکار نے کہا کہ
ہماری تاریخمیں ایک نام شاہ نعمت ولی اللہ ہے انہوں نے غزوہ ہند کے بارے میں کہا کہ یہ معرکہ بنیادی طور پر دریائے اٹک پر ہوگا اور دریائے اٹک میں پانی کی بجائے خون بہے گا۔ آگے چل کر شاہ نعمت ولی اللہ کہتے ہیں کہ پوری دنیا سے مسلمان اس غزوہ میں شرکت کیلئے آئیں گے۔ عبداللہ شاہ غازی92 ہجری میں یہاں تشریف لائے ان کا مقصد یہ تھا کہ وہ بھی جہاد ہند میں حصہ لے سکیں۔ پیر صاحب فرماتے ہین کہ ہم اچھی طرح جانتے ہین کہ پاکستان کے انڈیا کے ساتھ چار معرکے 1948 ‘ 1965 ‘ 1971 اور 1999 ) ہوچکے ہین
اور یہ چارون معرکے غزوہ ہند کے زمرے میں آتے ہیں۔ لہذا آنے والے دنوں میں یہ معرکہ ہوسکتا ہے اور اس معرکے کی ابتدا بھارت ہی کرے گا۔ انہوں نے کہا کہ روس برطانیہ پر ایٹمی حملہ کرے گا اور اسے صفحہ ہستی سے مٹا دے گا۔ شمالی کوریا جنوبی کوریا پر حملہ کرے گا۔ مجھے جنوبی کوریا کے ویرانوں سے آگ ہانکتی ہوئی دکھائی دے رہی ہے۔ پیر صاحب فرماتے ہیں کہ ملکی اور غیر ملکی حالات انتہائی کشیدہ ہوجائیں گے۔ یورپ اور مشرق وسطی کے اندر بھی دہشت گردی زور پکڑے گی۔ نیو یارک‘ پیرس ‘ لندن اور تل ابیب پر میزائل گرتے دکھائی دے رہے ہیں۔
عالمی جنگ 2034 مین دکھائی دے رہ ہے۔ آگے چل کر مرد درویش کہتے ہیں کہ تیسری دہائی میں چین سپر پاور بن جائے گا ۔ چین کی سرحد مشرق وسطیٰ اور انگلینڈ تک پھیلتی دکھائی دے رہی ہے۔ 2262 ء مین انسانی روٹی اور گوشت کھانا چھوڑ کر وٹامن کے کیپسول استعمال کرے گا۔ موجودہ امریکی صدر کیلئے گوباچوف ثابت ہو سکتے ہیں۔ 2199 ء میں ایک ایسا معجزہ رونما ہوگا کہ پہاڑی جانور‘ پرندے ‘ عصاء لراس ‘ درخت گویا کہ دنیا کی ہر بے زبان چیز کو قوت گویائی مل جائے گی اور وہ باتیں کرنی شروع کردیں گے اور انسان ان کی باتیں نہ صرف سنے گا بلکہ سمجھے گا بھی سہی۔
پیر صاحب کہتے ہین کہ 2266 ء تک ٹائم ٹریول ممکن ہوجائے گا جس سے انسان کیلئے ایک سیارے سے دوسرے سیارے تک رسائی ممکن ہوسکے گی۔ پاک بھارت تعلقات کے بارے میں ہ کہتے ہیں کہ پاکستان اور بھارت کے تعلقات مزید خراب ہوں گے اور وہ وقت بھی آئے گا جب پورے ہندوستان پر پاکستان کا قبضہ ہوگا۔ مودی کو اپنے ماریں گے اور ملبہ پاکستان پر ڈال دیا جائے گا۔فیروز خان گاندھی کا مسلمان خان کسی بھی وقت جوش مار سکتا ہے۔ 27 رمضان المبارک کو معرض وجود میں آنے والا یہ ملک اللہ تعالیٰ کے رازوں سے ایک راز ہے۔ لوگوں کو اس بات کا علم ہی نہیں کہ دین اسلام کا عروج بھی اسی پاک سرزمین سے شروع ہوگا۔ کیونکہ پاکستان کا دوسرا نام ثانی مدینہ ہے جو لاکھوں شہداء کے نذرانوں سے معرض وجود میں آیا۔ اس دھرتی کو مٹانے کا خواب دیکھنے والے خود صفحہ ہستی سے مٹ جائیں گے۔ ثانیہ مدینہ کی سلطنت بنانے والا اس پر چالیس سال حکمران کرے گا اور ہندوستان میں بھی اسلام کا بول بالا ہوگا۔
