اسلام آباد(مانیٹرنگ ڈیسک) پاکستان پیپلز پارٹی 48 گھنٹوں میں وفاق کی حکومت گرا سکتی ہے۔نبیل گبول کا دعویٰ ،نجی ٹی وی پروگرام میں گفتگو کرتے ہوئے ان کا کہنا تھا کہ پاکستان مسلم لیگ ن اور پیپلز پارٹی بعض معاملات پر اکٹھی اور ایک پیج پر ہے، ہمارے لئے پی ٹی آئی حکومت گرانا مشکل نہیں۔ان کا کہنا تھا کہ ہماری جانب سے وزیر اعظم کا نام بھی سوچ لیا گیا ہے اور اس کا تعلق چھوٹے صوبے بلوچستان سے ہو گا، ہمارا مقصد اقتدار میں آنا نہیں مگر ہم پاکستان کو معاشی بحران سے نکالنا چاہتے ہیں۔
پی ٹی آئی کی انڈر 19 ٹیم سے یہ مسائل حل نہیں ہونے والے۔حکومت گرانے میں ہماری مدد کے لئے ان کے 25 ایم این ایز بھی شامل ہیں یہ وہ لوگ ہیں جن کے ساتھ حکومت نے وعدے کئے تھے مگر پورے نہ کر سکی عمران خان نے اپنے ارد گرد رہنے والوں کو وزارتیں دی۔انہوں نے کہا کہ جب ہم خیبر پختونخواہ کے وزیر اعلیٰ محمود خان کے استعفی کی بات کرتے ہیں تو یہ لوگ ناراض ہو جاتے ہیں، ان کے لوگوں کو نیب نے بلایا ہے اگر یہ ہی بنیاد ہے استعفی دینے کی تو وزیراعظم عمران خان کو بھی استعفیٰ دینا چاہئے۔
