دبئی (این این آئی)پاکستان کو متحدہ عرب امارات کی جانب سے 3 ارب ڈالرز ایک ہی قسط میں دینے کا امکان ہے۔ذرائع کے مطابق رقم 2.8 فی صد شرح سود پر ملے گی۔ذرائع کے مطابق پاکستان کو آئندہ ہفتے یو اے ای سے سعودی عرب کی طرز کا مالی پیکیج ملنے کا امکان ہے۔ معاشی مدد کے پیکیج میں سستا قرض اور بجٹ سپورٹ شامل ہے، یو اے ای سے تین سال کے لئے 3 ارب ڈالر مالیت کا
تیل بھی ادھار پر ملنے کا امکان ہے۔یو اے ای پاکستان کو ہر ماہ 250 ملین ڈالر کا تیل ادھار پر دیگا۔ذرائع نے بتایا کہ سعودی عرب اور یو اے ای سے جنوری 2019 سے مجموعی طور پر ماہانہ 52 کروڑ ڈالر کا تیل ادھار پر ملے گا، یو اے ای سے پیکیج ملنے کے بعد جون 2019 تک ادائیگیوں کا مسئلہ حل ہو جائے گا، جنوری 2019 میں سعودی عرب سے مزید ایک ارب ڈالر پاکستان کو منتقل ہوں گے۔
